Еліміздің 9 облысында күн райына байланысты ескерту жарияланды. Бұл туралы «Қазгидромет» РМК хабарлады.
18 наурызда күндіз батыста, Ақтөбе облысының орталығында көктайғақ күтіледі. Шығыстан жел соғады, түнде оңтүстік-батысқа ауысады, күндіз облыстың оңтүстігінде екпіні 15-20 м/с жетеді.
Атырау облысында жауын-шашын (жаңбыр, қар), облыстың солтүстігі мен оңтүстігінде көктайғақ күтіледі. Облыстың батысы мен оңтүстігінде тұман түседі. Оңтүстік-батыстан соғатын желдің күші – 9-14, күндіз облыстың оңтүстігі мен шығысында екпіні – 15-20 м/с. Атырауда жауын-шашын (жаңбыр, қар) күтіледі. Түнде және таңертең тұман.
Жетісу облысының Алакөл көлдері аймағында оңтүстік-шығыстан соғатын желдің екпіні – 15-20, кей жерлерде 23-28 м/с күтіледі.
Батыс Қазақстан облысының батысында, оңтүстігінде, шығысында көктайғақ күтіледі. Облыстың оңтүстігінде, солтүстігінде және шығысында тұман болуы ықтимал. Оралда түнде және таңертең тұман күтіледі.
Қарағанды облысының солтүстігі мен шығысында түнде және таңертең тұман күтіледі. Қарағандыда түнде және таңертең тұман түсуі мүмкін.
18 наурызда күндіз Қостанай облысының батысында және оңтүстігінде жауын-шашын (жаңбыр, қар), көктайғақ күтіледі. Облыстың батысы мен оңтүстігінде тұман түседі. Қызылорда облысында оңтүстік-батыстан 15-20 м/с жел соғады деп күтілуде.
Маңғыстау облысының солтүстік-шығысында шаңды дауыл болады. Облыстың солтүстігі мен шығысында оңтүстік-батыстан соғатын желдің күші – 15-20 м/с.
Түркістан облысының таулы аудандарында оңтүстік-шығыстан, оңтүстіктен 15-20 м/с жел соғады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
