Әлемдегі ең лас ауа
Джакартада нашар ауа сапасына байланысты қиындықтар жалғасуда. IQAir қызметінің мәліметінше, ауадағы қатты бөлшектердің концентрациясы Дүниежүзілік денсаулық сақтау ұйымы адам денсаулығы үшін қалыпты деп санайтын деңгейден 19 есе жоғары.
Соңғы күндері Джакарта ауа сапасы ең нашар қала ретінде тұрақты түрде бірінші орынға ие болды. Қаладағы ауа сапасы жылдар бойы нашар. Биыл жаңбырдың ұзақ уақыт болмауы жағдайды қиындатып отыр. Бірнеше күн бұрын Индонезия билігі мемлекеттік қызметкерлерді түтінге байланысты екі айға қашықтан жұмыс істеуге жіберді.
Трамп түрмеде
Дональд Трамп әлеуметтік желідегі парақшасында Фултон округіндегі түрмеде түсірілген суретін жариялады. Сурет – АҚШ-тың бұрынғы президентінің 2021 жылдан бері желідегі алғашқы жазбасы. Трамп 2020 жылғы президент сайлауына араласқаны үшін қамауға алынды. Түрмеге тіркелудің бүкіл процесі 20 минутқа созылды. Мұнан соң Дональд Трамп 200 мың доллар кепілдікпен босатылды.
«Өз аудиториясын Капитолийге басып кіруге итермеледі» деген айып бойынша Трамптың 86 миллион жазылушысы бар аккаунты бұғатталған еді. Twitter-ді сатып алған бизнесмен Илон Маск оны оны өткен жылдың соңында блоктан шығарды.
Көрінбейтін QR-кодтар
MIT информатика және жасанды интеллект зертханасының зерттеушілері инновациялық шешімді ойлап тапты. BrightMarker – 3D басып шығарылған нысандарға енгізілген көрінбейтін маркерлер. Мұндай көрінбейтін QR-кодтарды инфрақызыл камераларды пайдаланып сканерлеуге болады.
BrightMarker жүйесі смартфондарға және екіншісі VR/AR гарнитураларына арналған. QR-кодтар жай көзге көрінбейді. Сондықтан барынша қауіпсіз және метадеректерді енгізу үшін өте қолайлы.
«СБ» ақпарат
>>> Біздің Facebook, Instagram парақшаларымыз бен Telegram каналымызға жазылыңыз! <<<
