Осы күнгі білім берудің тенденциялары ақпараттық технологиялардың мүмкіндіктерін белсенді пайдалануды қажет етеді. Талапкерлер тарапынан қашықтан білім алуға күмәнмен қарайтын қалыптасқан көзқарасқа білім алудың бұл формасына нақты көрініс жасау қажеттілі туындайды.
Қашықтан білім алуды теріс қабылдау қоғамда қалыптасқан стереотиптерге байланысты. Оны объективті түрде қабылдау үшін дәйектілігі мен мазмұнын дәлелдейтін ұйымдастыру процестері мен бәсекеге қабілеттілігін анықтап алған жөн.
Қашықтан білім беру дәстүрлі оқу процестерінің компоненттерін: оқытудың мақсаты, мазмұны, әдісі және ұйымдастыру формаларын сақтай отырып, жоғары оқу орны мен студенттің ара қашықтықтағы өзара әрекеті. Интерактивтілікті қамтамасыз ететін интернет-технологиялар құралдары арқылы жүзеге асады. Сонымен қатар, бұл – студенттің өзінділігін сипаттайтын оқытудың формасы. Осы ретте ақпараттық құралдар білім алу процесіндегі жетекші роль атқарады.
Жүргізілген зерттеу сауалнамаға жүгінетін болсақ, 200 қатысушының 40%-і қашықтан білім алудың сапасы төмен деп санаса, 30%-і тіпті оқытудың бұл формасы жайлы хабардар емес, ал 30%-і тиімді және сапалы деген пікірде. Жоғарыдағы көрсеткіштерге қарамастан, еліміздегі қашықтан білім алушылардың қатары күннен күнге артып келеді.
Процесс жоғары оқу орны ұсынатын жеке кабинетте ұйымдастырылады: оқу жоспары, оқу кестесі, үй тапсырмалары, емтихандар мен сынақтар белгіленеді. Студенттің кей жағдайларда сабақ уақытын өзі таңдау мүмкіндігі бар. Өндірістік практика да қарастырылған.
Оның тиімді жақтарына тоқталатын болсақ, біріншіден, жеке сабақ кестесі, екіншіден, студенттің өз қарқынымен оқу мүмкіндігі, үшіншіден, интернет желісіне шығатын кез келген жерде оқу мүмкіндігі. АҚШ зерттеушілері қашықтан білім алудың нәтижелері дәстүрлі оқытудың нәтижелерінен кем түспейтіндігін айтады. Тағы да айта кететін тиімділігі – бұл оқудың қолжетімділігі және уақыт үнемдеу. Алайда, жігер, еріктілік қасиеттерімен қоса өзін-өзі тәрбиелеуді талап етеді.
Қазіргі заманның интернет технологиясы адамдарға қашықтықтан білім алуға жағдай жасауда. Осыдан 50 жыл бұрын елестете алмағанымыз бүгінде шындыққа айналды. Осылайша, қашықтан оқыту білім беру нарығында күннен күнге үлкен үлеске ие болып кеңінен дамуды жалғастырып келеді.
Жанар Найзабаева
педагогика және психология ғылымдарының магистрі
>>> Біздің Facebook, Instagram парақшаларымыз бен Telegram каналымызға жазылыңыз! <<<