Ресейде коронавирус жұқтырудың расталған жағдайларының саны бір тәулікте 40 251 болды. Бұл – пандемия басталғалы тіркелген жаңа максимум. Бұл туралы сенбі күні жаңа инфекциямен күрес жөніндегі федералды жедел штаб мәлім етті, деп хабарлайды ҚазАқпарат ТАСС агенттігіне сілтеме жасап.
Салыстырмалы түрде ауруға шалдығушылар санының өсімі 0,48% құрады. Пандемия басталғаннан бері барлығы 8 472 797 адам коронавирус жұқтыран. Қазіргі уақытта емделіп жатқан пациенттер саны пандемия басталғаннан бері алғаш рет 900 000-нан асты. Штаб мәліметінше, қазір Ресейде 903 993 адам ауырып жатыр. Коронавирустан кейін емделген ресейліктердің саны бір күнде 28 909-ға өсті. Барлығы 7 331 424 адам сауығып шыққан. Ауруханадан шығарылған пациенттердің үлесі ауру жұқтырғандардың жалпы санының 86,5% деңгейінде қалған. Коронавирустан болған өлім жағдайларының саны бір күнде 1 160-қа артқан, аурудан көз жұмғандардың жалпы саны 237 380-ге дейін өсті.
www.kazinform.kz
>>> Біздің Facebook, Instagram парақшаларымыз бен Telegram каналымызға жазылыңыз! <<<
