Ауылдық елді мекендердің әлеуметтік, инженерлік және көлік инфрақұрылымын дамыту, ауыл тұрғындарының әлеуметтік, тұрмыстық әл-ауқатын жақсарту мақсатында 2019 жылдан бастау алған «Ауыл – ел бесігі» жобасы аясында 7 жыл ішінде (2019-2025 жж.) облыстың 79 ауылдық елді мекенінде құны 58,3 млрд теңгеден асатын 515 жоба жүзеге асырылды.
Нәтижесінде 2 мектептің жапсаржай құрылысы, 7 ауылдық клуб, 14 спорт кешені, 3 ауылдық дәрігерлік амбулатория құрылысы салынды. Сондай-ақ 15 білім нысаны, 5 ауылдық клуб, 10 дәрігерлік амбулатория және 5 спорт нысаны күрделі жөндеуден өткізілді.
Осы бағытта 11 ауылдық елді мекеннің электрмен қамту жүйесі, 5 ауылдық елді мекеннің ауызсумен қамту жүйесі қайта жаңыртылып, 7 ауылдық елді мекен газдандырылды. Мұнан басқа 42 көшені жарықтандыру, 1 ауылдық елді мекенге абаттандыру жүргізіліп, 26 әлеуметтік нысанның жылу қазандығы жаңартылды.
Сондай-ақ көлік инфрақұрылымын жақсарту мақсатында 64 ауылдық елді мекеннің көшелерін жаңғырту, күрделі жөндеу бойынша 352 жоба, 7 ауылдық елді мекеннің жаяу жүргіншілер жолын салу бойынша 9 жоба жүзеге асырылды.
2026 жылға өтпелі кезеңмен жүзеге асырылатын 4 ауылдық елді мекеннің көшелерін күрделі жөндеу, 10 ауылдық елді мекеннің электрмен қамту жүйесін қайта жаңғырту, 2 ауылдық клубтың, 4 спорт кешеннің құрылысын салу жұмыстары жүргізілуде.
