Қызылорда облысында электр тогын қолдана отырып балықты заңсыз аулағандар қолға түсті.
Арал-Сырдария облысаралық бассейндік балық шаруашылығы инспекциясының қызметкерлері «Охотзоопром ӨБ» РМҚК қызметкерлерімен бірлесіп рейд жұмыстарын жүргізді. Оның барысында Шиелі ауданының «Телкөл каналы-3 көпір» аймағында «УАЗ» маркалы автокөлігі ұсталды.
Тексеру барысында көліктің жүксалғышынан жалпы салмағы 77 келіні құрайтын үш қап балық, екі аккумулятор, қолдан жасалған электргенераторы, екі резеңке қайығы табылды. Бұл құрылғылар электр тогын қолдана отырып, балықты заңсыз аулау кезінде қолданылады. Жиналған материалдар бойынша қылмыстық іс қозғау үшін Шиелі аудандық полиция бөліміне тапсырылды. Іс ҚР Қылмыстық кодексінің 335-бабына сәйкес жүргізілуде.
>>> Біздің Facebook, Instagram парақшаларымыз бен Telegram каналымызға жазылыңыз! <<<
