Air Astana жолаушылардың жеке деректерінің қауіпсіздігін растады

286

0

Фото: Александр Павский/ агентство Kazinform.

 Air Astana әуе компаниясы 2024 жылдың ақпанында GitHub сайтында жарияланған қазақстандықтардың жеке деректерінің шығу ықтималдылығы туралы хабарларына жауап ретінде тексеру қорытындысы бойынша жолаушылар туралы деректердің бұзылмағанын растады, деп хабарлайды әуе компанияның баспасөз қызметінен.

ҚР Цифрлық даму, инновациялар және аэроғарыш өнеркәсібі министрлігінің бұзушылықтарды жою туралы бір жылға шығарылған ұйғарымының дербес деректер мәселелеріне қатысы жоқ.

«Air Astana ақпараттық қауіпсіздік саласындағы жоғары халықаралық стандарттарды және, озық технологиялық шешімдерді пайдалана отырып, өз клиенттері туралы ақпараттың құпиялылығы мен қорғалуын қамтамасыз ету үшін үнемі жұмыс істейді. Компания реттеуші талаптардың сақталуына ерекше көңіл бөледі және болашақта ықтимал тәуекелдердің алдын алу үшін бақылаушы органдармен диалог пен ынтымақтастыққа ашықтығын атап өтеді», – делінген баспасөз қызметінің хабарламасында.

Бұған дейін Кибершабуылдарды талдау және тергеу орталығы (ЦАРКА) қытайлық хакерлер тобы Қазақстанның IT-инфрақұрылымының маңызды нысандарын басқарғаны туралы мақала жариялаған болатын, олардың арасында әуе компаниясының аты да бар.

Kazinform агенттігінің редакциясы қытайлық хакерлер тобының Қазақстандағы маңызды нысандарды бақылауына қатысты түсініктеме алу үшін Air Astana әуе компаниясына хабарласты.

 


>>> Біздің Facebook, Instagram парақшаларымыз бен Telegram каналымызға жазылыңыз! <<<