Қазақстанның Халық жазушысы Мұхтар Шахановтың жиені Қайырхан Балғабеков атасының соңғы аманаты орындалатынын мәлім етті, деп хабарлайды turkystan.kz.
Жазушы өзі өсиет еткен жер – Отырар өңіріндегі Арыстанбаб кесенесінің іргесіне жерленетін болды.
«Аллаға сансыз шүкір, атамның соңғы аманаты орындалатын болды. Атамыз Отырарда жерленеді», – деп жазды ол.
Еске сала кетейік, ақынның жары Ханшайым Шаханова Мемлекет басшысына жолдаған өтініш хатында Мұхтар Шахановтың соңғы аманаты – оны ата-бабаларының киелі мекені Отырар өңіріндегі Арыстанбаб кесенесінің іргесіне жерлеу екенін айтқан болатын.
