ҚР Сыбайлас жемқорлыққа қарсы іс-қимыл агенттігінің Алматы қаласы бойынша департаменті ҚР Жоғарғы сотының ішкі қауіпсіздік бөлімімен бірлесіп, Алматы қаласы судьясының пара алу фактісін анықтады, – деп хабарлайды ҚазАқпарат тілшісі. «Судья делдал, яғни Алматы қаласы аудандық сот отырысының хатшысы арқылы өз өндірісіндегі азаматтық іс бойынша мәселенің оң шешілуі үшін 3 000 АҚШ доллары сомасында пара алғаны үшін күдікке ілінді. Тергеу амалдары жалғасуда», – делінген таратылған мәліметте.
Ұсталған күдіктіге қатысты соңғы үкімді оның кінәлілік дәрежесін анықтай отырып сот шығарады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
