Автокөлік паркі 96 процентке жаңарды

271

0

Жақында жергілікті денсаулық сақтау ұйымдарының автопаркі толыққан болатын. Жедел жәрдем автокөліктерін жаңарту бағдарламасы аясында облысқа 40 реанимобиль алынды. Оның 20-сы қалаға, ­20-сы аудандарға бөлінді. Қазір жаңа көліктердің техникалық құжаты мен нөмірлері тағылып, мемлекеттік тіркеуден өтті.  Сонымен бірге сақтандыру, келісім-шарт жасасу, мемлекеттік сатып алу заңнамасына сәйкес атқарылатын жұмыстар уақытылы жүргізілуде.

Облыстық медициналық жедел жәр­дем стансасының бас дәрігері  Алмат Құрманғалидің айтуынша, жаңа көліктердің құжатынан бөлек, ондағы медициналық құрал-жабдықтарды қабылдап алу, оқыту, үйрету жұмыстарына да біршама уақыт кеткен. Көліктегі медициналық құрылғылар заманауи әрі 3 есеге көп.

Жалпы, облыста жедел жәрдем авто­көліктерінің саны жеткілікті.  Бүгінде 10 мың халыққа бір шақыру тобы қызмет көрсетеді. Демек, бір шақыру тобына бір көліктен келеді.

Жаңа реанимобиль кілті облыстық медици­налық жедел жәрдем стансасына, Арал, Қазалы, Қармақшы, Сырдария, Шиелі, Жаңақорған аудандары мен Төретам бөлімдеріне үлестірілді. Одан бөлек 2 жылжымалы медициналық кешен Қармақшы, Жалағаш аудандық ауруханасына тапсырылып, халық игілігін көруде.  

Облыс тұрғындарына жедел медици­на­лық қызмет көрсететін 50 шақыру тобы бар. Оның 23-і қалада болса, 27-і аудандарда.  Сонымен қатар қосымша қорда қалада – 10, ауданда 15 дана көлік бар.

Жаңа көліктер қолданысқа енгеннен кейін автокөліктер паркі 96 процентке жаңарады.

Пікірлер жоқ. Бірінші болыңыз!

Пікір жазыңыз