Қазақстан Республикасының Прокуратура органдарының құрылған күніне орай осы салада қызмет еткен ардагерлер Бас Прокурордың «Құрмет грамотасымен» марапатталды.
Мереке қарсаңында осындай құрметке ие болған ардагерлер Айтбай Әлібаев және Айтбай Тұрғанбаев – құзырлы органда бірнеше жыл жұмыс істеп, өз міндеттерін абыроймен атқарған азаматтар.
Облыстық прокуратура басшылары ардагерлерді құттықтап, атқарған еңбектеріне алғыс айтып, отбасыларына амандық-саулық тілеп, қариялардың батасын алды.
Сонымен қатар ҚР Бас Прокурорының бұйрығымен Арал аудандық прокуратурасының прокуроры Серік Жетпісбаев І дәрежелі, Шиелі ауданының прокуроры Нұрболат Дүйсенбаев, облыс прокурорының аға көмекшісі Абай Әлімбаев ІІ дәрежелі және басқарма прокуроры Бақытжан Есентай ІІІ дәрежелі «Мінсіз қызметі үшін» медалімен марапатталды.
Бұдан бөлек облыс прокуроры Н.Бижановтың бұйрығымен қызметін мінсіз атқарған 10 қызметкерге алғыс жарияланды.
>>> Біздің Facebook, Instagram парақшаларымыз бен Telegram каналымызға жазылыңыз! <<<