1-3 қыркүйек аралығында ел аумағында жаңбыр жауып, ауа температурасы төмендейді, деп хабарлайды ҚазАқпарат «Қазгидромет» РМК баспасөз қызметіне сілтеме жасап.
Күздің алғашқы күндерінде Қазақстанның басым бөлігінде жауын-шашынсыз ауа райы күтіледі. Температуралық фон +23…36 градус шамасында болады.
Аптаның ортасында республиканың басым бөлігінде атмосфералық фронттың өтуіне байланысты кей жерлерде найзағай ойнап, жаңбыр жауады.
Найзағаймен бірге жауын-шашын болады, екпінді жел соғады. Бұршақ түсіп, ауа температурасы төмендейді. Елдің солтүстік жартысында +17…28 градусқа дейін суытады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
