«Байқоңыр» ӘКК» АҚ «Бекарыс Агрофуд» ЖШС базасында С.Мырзабаевтың «Жаңақорған ауданында қазақтың құйрықты қылшық жүнді қойының асылтұқымды тұқымын өсіру» инвестициялық жобасын бірлесіп іске асыру туралы бастамасына жәрдем көрсетті. Бұл жоба ӘКК директорлар кеңесінде 2017 жылдың 21 сәуірінде мақұлданған.
Бұдан басқа, «Байқоңыр» ӘКК» АҚ Д.Шағыртаев және С.Шағыртаев арасында асылтұқымды репродуктор мен ет комбинатын құру жөніндегі жобаны іске асырды. Жаңадан құрылған «Агролидер Таң» ЖШС бірлескен кәсіпорнының жарғылық капиталындағы жобада ӘКК үлесі 42,03% құрайды.
Бүгінде бұл жобалар толығымен іске қосылып, қаржы-шаруашылық қызметінде оң нәтижелер беруде. Сонымен қатар, аймақтың ауыл шаруашылығы саласының дамуына елеулі үлес қосуда.
Былтырғы жылды бұл кәсіпорындар таза пайдамен қорытындылады. Ол пайда құрылтайшылар арасында бөлініп, яғни ӘКК «Бекарыс Агрофуд» ЖШС-нан 1036783,00 теңге, «Агролидер Таң» ЖШС-нан 1372140,0 теңге көлемінде алғашқы дивидендтерін алды.
Жеңісбек АХМЕТОВ,
«Байқоңыр «ӘКК» АҚ жобаларды талдау және іске асыру
басқармасының басшысы
>>> Біздің Facebook, Instagram парақшаларымыз бен Telegram каналымызға жазылыңыз! <<<
