ОБЛЫС ӘКІМІ АППАРАТЫ БАСШЫСЫНЫҢ ОРЫНБАСАРЫ ТАҒАЙЫНДАЛДЫ

454

0

Турабаев Еркін Ермағанбетұлы Қызылорда облысы әкімі аппараты басшысының орынбасары лауазымына тағайындалды.

Е. Турабаев 1986 жылы туған. Қорқыт ата атындағы Қызылорда мемлекеттік университетін «Мемлекеттік және жергілікті басқару» мамандығы бойынша бітірген.

Еңбек жолын 2008 жылы Қызылорда облысының экономика және бюджеттік жоспарлау басқармасының бюджеттік саясат және жоспарлау бөлімінің жетекші маманы ретінде бастаған.

2011-2015 жылдары Қызылорда облысының экономика және бюджеттік жоспарлау басқармасының бас маманы, Қызылорда облысы әкімі бірінші орынбасарының, сондай-ақ Қызылорда облысы әкімінің көмекшісі болды.

2015 жылдың шілде айынан бастап осы уақытқа дейін Қызылорда қаласы әкімі аппаратының басшысы қызметін атқарып келді.