Фото: shutterstock.com
Түркістан облысында автогаз жетіспейді, деп хабарлайды Kazinform.
Өңірдегі автогаз жетіспеушілігінің басты себебі – газ өндіруші зауыттардың облысқа қажетті көлемді уақытылы жеткізе алмауынан болып отыр. Қазіргі таңда автогаз Түркістан, Кентау қалаларындағы ірі газ құю станцияларында ғана сатылып жатыр.
«30 қазан күні Түркістан қаласына 97 тонна газ жеткізілді. Сондай-ақ, қосымша 73 тонна әкелінеді. Ал Кентау қаласында дәл қазір 4 тонна газ бар. Бүгін тағы да қосымша 27 тонна жеткізіледі. Қараша айына жоспарланған газ көлемі зауыттан ертеңнен бастап жолданады. Өңірдегі жанар-жағармай бекеттерін сұйытылған мұнай газымен камтамасыз ету қатаң бақылауда», – деді Түркістан облысы Энергетика және тұрғын үй-коммуналдық шаруашылық басқармасы басшысының орынбасары Роза Сариева.
>>> Біздің Facebook, Instagram парақшаларымыз бен Telegram каналымызға жазылыңыз! <<<
