Елімізде қай саланың мамандарына жұмыс табу қиын?

286

0

Бұл туралы LS басылымы мәлім етті.

Еңбек ресурстарын дамыту орталығының мәліметінше, қыркүйек айында Алматыда бос жұмыс орындарының саны 10%-ға азайды. Маңғыстау облысында бұл көрсеткіш 7%-ға төмендеген.

Сонымен қатар, Алматы электрондық еңбек биржасында (ЭБТ) жұмыс іздеушілер саны 24%-ға, ал Маңғыстау облысында 21%-ға қысқарды.

Алматы облысында жұмысшыларға деген қажеттілік 6,6 мыңға артып, 12,6 мыңға жетті.

Түйіндеменің ең көп өсуі Ақмола (+40%; 1,6 мың түйіндеме) және Солтүстік Қазақстан (+39%; 2 мың түйіндеме) облыстарында байқалды.

Жалпы елімізде 137,9 мың бос жұмыс орны (+22%) және 62,2 мың түйіндеме (+8%) орналастырылды.

Мамандарға жоғары сұраныс білім беру саласында байқалады – 18 мыңнан астам бос жұмыс орны. Бұл офлайн оқуға оралумен байланысты.

Олармен қатар от жағушылар, қазандық операторлары және қазандық машинистері тапшылығы артты, олар үшін өткен айға қарағанда өсім 2,9 мыңға жуық бос орынды құрады. Ал қыркүйек айында оларға деген жалпы қажеттілік 3 мыңнан астам бос орын болған.

Сондай-ақ, қыркүйек айында 7,8 мың интервьюер бос жұмыс орны орналастырылды. Ең көбі Түркістан, Шығыс Қазақстан, Алматы және Жамбыл облыстарында.

Бұдан басқа, күзетшілер (504 түйіндеме және 2,3 мың бос жұмыс орны), автокөлік жүргізушілері (948 түйіндеме және 2 мың бос жұмыс орны), тәрбиешілер (1,3 мың түйіндеме және 2,3 мың бос жұмыс орны) жеткіліксіз. Біліктілігі төмен жұмыс күші арасында қосалқы жұмысшылар, жүк тиеушілер, әртүрлі жұмысшылар, ас үй қызметкерлерi және мектептердегі тазалаушылар тапшы.

Заңгерлер (331 бос орынға қарсы 790 түйіндеме), дене шынықтыру және спорт мұғалімдері (1,3 мың түйіндеме және 965 бос орын), сондай-ақ, қаржыгерлер (238 түйіндеме және 24 бос орын) көп болды. Біліктілігі төмен жұмыс күші арасында вахтерлер мен елді мекендерді абаттандыру бойынша жұмыс орындары үшін жоғары бәсекелестік байқалады.

Өңірлік бөліністе білім беру саласындағы кәсіпорындар Алматы (3,6 мың бос жұмыс орны), Ақтөбе (2,7 мың), Қарағанды облыстарында (2,3 мың) және Нұр-Сұлтанда (2,3 мың) үлкен сұраныс танытты. Өз кезегінде ауыл шаруашылығы кәсіпорындары оңтүстік өңірлерде, атап айтқанда Түркістан (3,5 мың), Алматы (2,3 мың) және Жамбыл (1,6 мың) облыстарында бос орындардың көбірек санын орналастырды.

Пікірлер жоқ. Бірінші болыңыз!

Пікір жазыңыз