Қазақстан Республикасы Жоғарғы Сот төрағасы Ж.Асанов еліміздегі сот жүйесін одан әрі дамыту бойынша 7 басым бағытын ұсынды. Судьялардан, адвокаттардан, сот қызметкерлерінен заңгерлік қауымдастықтардан келіп түскен мыңға тарта ұсыныстың негізінде даярланған бұл жоба «Сот жүйесінің 7 түйіні» деп аталды.
Сот жүйесін дамытуға бағытталған жоба 7 бағытты қамтиды: «Мінсіз судья», «Үлгілі сот», «Әділ процесс», «Е-сот», «Сапалы нәтиже», «Оңтайлы орта», «Сотсыз татуласу орталығы». Бұл жоба 2020 жылға дейінгі сот жүйесін дамыту тұжырымдамасының негізін құрды. Ол сот жүйесін жаңа даму деңгейіне көтеруі тиіс. Тұтастай алғанда, аталған жобалардың негізгі ортақ міндеті – қоғамның сотқа деген сенімін арттыру болып табылады.
Е-сот шеңберінде халық пен сот қызметкерлерінің ІТ қызметтерін жүз пайыз пайдалануына жағдай туғызылмақ. Ол үшін ІТ саласында жаңа трендтер, қарапайым және қолайлы электрондық сервистер жасалады. «Оңтайлы орта» бағдарламасы қоғам мен соттар арасында тиімді қарым-қатынасты орнатуға арналған.
Ал, «Үлгілі сот» жобасының мақсаты 2020 жылға дейін сот төрелігі жүйесіне халық сенімін арттырып, соттарды басқарудың тиімді жүйесін құру.
Халық сенімі мен құрметіне ие болуда судья жұмысының маңызы зор. Бұл ретте «Мінсіз судья» жобасы жүзеге аспақ.
Жобаның соңғы түйіні «Сотсыз татуласу орталығы». Бүгінде аймағымызда татуласу орталығы ашылып, онда азаматтарға медиаторлар, адвокаттар, нотариустар, психологтар және сот орындаушылары біріге көмек көрсетеді. Мұның барлығы ел азаматтарының игілігі үшін жүзеге асуда.
Сондықтан сот саласын сапалық деңгейге көтеріп жатқан «7 түйін» жобасынан әлі де күтеріміз мол.
Айбек ӘБУ,
Қызылорда қаласы
№2 сотының төрағасы.
Қызылорда қаласы
№2 сотының төрағасы.
>>> Біздің Facebook, Instagram парақшаларымыз бен Telegram каналымызға жазылыңыз! <<<
