Аудан әкімі 7 миллион теңге пара алды деген күдікке ілінді. Бұл туралы Нұр-Сұлтанда Сыбайлас жемқорлыққа қарсы күрес агенттігі департамент директоры Арман Бердалин брифинг барысында мәлімдеді, – деп хабарлайды tengrinews.kz.
«Қостанай облысының сыбайлас жемқорлыққа қарсы күрес департаменті Әулиекөл ауданы әкімінің пара алу дерегін анықтады. Ол ортақ қамқорлығы мен мектеп ғимаратын күрделі жөндеу бойынша Мемлекеттік сатып алу туралы шарт бойынша орындалған жұмыстардың актілеріне кедергісіз қол қойғаны үшін кәсіпкерлік субъектісінен 7 миллион теңге сомасында делдал арқылы пара алды деп күдікке ілінді», – деді Бердалин.
Оның айтуынша, ұсталғаннан кейін аталған сома Сыбайлас жемқорлыққа қарсы қызмет қызметкерлеріне ерікті түрде берілген. Әкім өз кінәсін толық мойындаған.
«Күдікті уақытша ұстау изоляторына қамалды. Бұлтартпау шарасы туралы мәселе шешіліп жатыр. Тергеу жалғасады. Күдіктіге қатысты соңғы үкім сот арқылы шығарылады», – деп толықтырды Сыбайлас жемқорлыққа қарсы қызметінің өкілі.
>>> Біздің Facebook, Instagram парақшаларымыз бен Telegram каналымызға жазылыңыз! <<<
