ҚР Президенті жанындағы ҚСЗИ Азиялық зерттеулер бөлімінің басшысы Айдар Құрмашев Мемлекет басшысының Egemen Qazaqstan газетіне берген сұхбатына орай пікір білдірді, деп хабарлайды Kazinform.
«Биыл Қазақстан халықаралық күн тәртібін қалыптастыратын негізгі ел болады. Қазақстанның Шанхай ынтымақтастық ұйымына, Ұжымдық қауіпсіздік туралы шарт ұйымына, Азиядағы өзара іс-қимыл және сенім шаралары жөніндегі кеңеске, Түркі мемлекеттері ұйымына, Аралды құтқару халықаралық қорына, Азық-түлік қауіпсіздігі жөніндегі ислам ұйымына төрағалық етуі еліміздің өңірде ғана емес, әлемде де бейбітшілік пен амандықты сақтау үшін жауапкершілік деңгейін арттырады. Қазақстанның сыртқы саясаты қазіргі геосаяси сілкіністер аясында жүйелілігімен, салмақтылығымен және бейбітшілікті жақтаушылығымен ерекшеленеді. Бұл – біздің бастамаларымызға халықаралық сенім мен қолдаудың негізі», – деді ол.
Осы орайда сарапшы Президент Қасым-Жомарт Тоқаев өзінің сұхбатында өңірлік ынтымақтастықтың, әсіресе Орталық Азия өңірі контекстіндегі маңыздылығына ерекше назар аударғанын айтады.
«Мемлекет басшысы «С5+» үлгісін және оның халықаралық аренадағы өңір елдерінің ұстанымдарын нығайтудағы рөлін атап өтіп, экономикалық даму үшін мультипликативтік әсер алу үшін стратегиялық әріптестікті тереңдетуге ұмтылысына назар аударды. Бұл – Қазақстанның өңірлік бастамаларды дамытуда және Орталық Азия елдері арасындағы ынтымақтастықты нығайтуда белсенді рөл атқаруға саналы түрде ұмтылатынының белгісі», – деді бөлім басшысы.
Айдар Құрмашевтың пайымынша, соңғы жылдары Қазақстанның елдер мен халықаралық ұйымдар көшбасшыларының тартымдылығы мен сындарлы диалогының орталығына айналғаны кездейсоқ емес.
«Биыл Астана халықаралық форумы, One Water Summit, сондай-ақ Орталық Азиядағы қауіпсіздік және ынтымақтастық форумы сияқты маңызды іс-шаралар өтеді. Қасым-Жомарт Тоқаев сұхбатында прагматикалық диалог пен әріптестік арқылы елдің халықаралық жағдайын нығайтуға деген ұмтылысына сенім білдіре отырып, Қазақстанның дипломатиялық басымдықтарының айқын көрінісін ұсынды. Бұл тәсіл Қазақстанның халықаралық байланыстарын нығайтуға ғана емес, жалпы Орталық Азия өңірінде тұрақтылық пен өркендеуді дамытуға ықпал етеді», – деді сарапшы.
>>> Біздің Facebook, Instagram парақшаларымыз бен Telegram каналымызға жазылыңыз! <<<
