Әлем мұсылмандарының ұлық мерекесі Қасиетті Құрбан айт құрметіне, ҚМДБ-ның Қызылорда облысы бойынша өкілдігі, Қазалы аудандық орталық «Жанқожа батыр» мешітінің ұйымдастыруымен, кіші футболдан мешіт жамағаттары арасында аудандық ашық турнир болып өтті.Мерейлі мерекеде өзара бауырмалдылықты, ауызбіршілік пен татулықты, мейірімділікті арттыру мақсатында өткізілген жарыста аудандық мешіт жамағаттарынан құралған он команда өзара бәсекеге түсті.
Жүлделі бірінші орын Әйтеке би кентіндегі «Әли-Муса» мешітінің командасына бұйырса, ІІ-орынды Қазалы қаласындағы «Жиенәлі ахун» мешітінің және ІІІ-орынды Әйтеке би кентіндегі «Қожаназар ишан» мешітінің құрамалары иеленді. Жарыс жеңімпаздары Қаржылай сыйақылармен және диплом, медальдармен марапатталды.
ҚМДБ-ның Қызылорда облысы бойынша өкілдігінің баспасөз қызметі
>>> Біздің Facebook, Instagram парақшаларымыз бен Telegram каналымызға жазылыңыз! <<<
