12 тамыз – Халықаралық жастар күні және Астана қаласының 20 жылдығына орай «Жалағаш аудандық жастар ресурстық орталығы» КММ-нің және Жалағаш ауданы жастарының «Темірқазық» қоғамдық бірлестігі мен «Нұр Отан» партиясы «Жас Отан» Жастар қанатының ұйымдастыруымен 13-15 тамыз аралығында Жалағаш аудандық «Ақтерек» сауықтыру лагерінде кент және ауылдық округтердегі белсенді жастарға «Zhalagash life» жастар лагері өткізілді.«Zhalagash life» жастар лагері аясында бірінші күні жастар бекітілген жоспарға сәйкес лагерге қатысушыларды «Ақтерек» сауықтыру лагеріне орналастырылып, «Жұлдызбен кездесу» айдарында «Qyzylorda» телеарнасының жүргізушісі, жалағаштық жерлесіміз Талант Айымбетовпен кездесті. Кездесу барысында жас жүргізуші Талант мырза аудан жастары тарапынан қойылған сауалдарға жауап бере отырып, жастарға өзінің өмір жолынан түйген ілімімен бөлісті. 
«Жаңғыруды өзіңнен баста» деп аталатын лагерьдің екінші күнінде қатысушылар «Дін мәселелерін зерттеу орталығы» КММ Жалағаш аудандық бөлім меңгерушісі А.Байқабыловпен кездесіп, дін мен дәстүрдің үндестігі, қазақстандық патриотизм және дін мәселелеріне кеңінен тоқталды. Сонымен қатар, аудан жастары лагер аясында облысымызға танымал тұлғалармен және жерлесіміз, айтыскер-ақын, термеші А.Рахметов жастарға жыр-терме айтып, руxани құндылықтар туралы мағлұматтар берді.
Лагерьде сонымен қатар, түрлі бағыттағы іс-шаралар, спорттық, топтық жұмыстар, семинар-тренингтер, таңғы жаттығулар, кездесулер, эстафеталық сайыстар өткізілді.
Лагердің соңғы күні Жалағаш ауданы әкімінің орынбасары Ж.Тәжмаханов пен Қызылорда облысының жастар саясаты мəселелері басқармасының басшысы Қ.Жанұзақов лагерьге қатысушылармен кездесіп, бірқатар мәселелерді талқылап, ауданымызда алғаш рет өткізілген «Zhalagash life» жастар лагерін қорытындылап берді.
Жастар лагеріне кент және ауылдық округтерден 50-ге жуық жастар қатысып, көпшілігі үшін жастар лагері қызықты өмірлік тәжірибе ғана емес, сонымен қатар, өзінің жаңа қыры ашылатын, пікірлестерімен танысып, аймағымыздың бірқатар тұлғаларымен кездесетін орынға айналды десек болады.
>>> Біздің Facebook, Instagram парақшаларымыз бен Telegram каналымызға жазылыңыз! <<<
