Мемлекет басшысының «Халық үніне құлақ асатын мемлекет» тұжырымдамасын іске асыру мақсатында Қызылорда облысында жыл басынан бері «Басшылар байланыста» жобасы жүзеге асырылуда.
23 маусым – Мемлекеттік қызметші күніне орай 2021 жылғы 17 маусымда «Aray City Mall» сауда – ойын-сауық орталығында «Басшылар байланыста» жобасының кезекті шарасы өтті.
Шара барысында әлеуметтік қамсыздандыру, тұрғын үй, коммуналдық, жер, сәулет, құрылыс, кәсіпкерлік, білім, денсаулық, кірістер, көлік құралдарын тіркеу және көші-қон мәселелері бойынша мекеме басшылары азаматтарды қабылдап, мемлекеттік қызметтерді алу жолдары түсіндірді.
Мемлекеттік қызмет істері агенттігінің облыстық департаменті және облыс әкімдігі бірлесіп ұйымдастырған аталмыш шара тұрғындардың қызығушылығын тудырды. 100-ге жуық тұрғынға мемлекеттік орган басшыларымен консультациялық көмек көрсетілді.
«Жыл басынан бері облыстағы қызмет беруші мекемелермен 2 млн. 132 мың мемлекеттік қызмет көрсетілген. Бұл көрсеткіш өткен жылдың тиісті кезеңімен салыстырғанда 2,5 есеге артқан. Электрондық қызметтердің үлесі 20% артып отыр», – деді департамент басшысы Рафхат Бисенов.
ҚР МҚІА Қызылорда облысы бойынша департаментінің баспасөз қызметі
>>> Біздің Facebook, Instagram парақшаларымыз бен Telegram каналымызға жазылыңыз! <<<
