Фото: ашық дереккөз
Елордада күрес түрлерінен Азия чемпионаты өтіп жатыр. Жарыстың алғашқы күнінде грек-рим стилінің өкілдері бес салмақ дәрежесінде жүлделі орындарды сарапқа салды. Оның төртеуінде қазақстандықтар Азия чемпионатының жеңімпазы атанды, деп хабарлайды Egemen.kz.
Турнирдің ашылу күні қазақстандық балуандардың қоржыны бір күміс және үш қола жүлдемен толықты. Нұрсұлтан Тұрсынов 87 келі салмақта финалға шыққан жалғыз қазақ балуаны атанды. Өкінішке қарай, кілем иесі Қазақстан астанасында чемпиондық атағын қорғаған 2022 жылғы Азия чемпионатының жеңімпазы ирандық Нассер Гасим Ализадеден жеңіліп қалды.
55 келіге дейінгі салмақта үшінші орын үшін өткен белдесуде қазақстандық Аманғали Бекболатов пен Сардарбек Конушбаев (Қырғызстан) кездесіп, балуанымыз мықтырақ болып шықты – 9:0.
Тағы екі қола медаль 63 келі және 130 келі салмақ дәрежесінде кілем иелеріне бұйырды. Мұхамедәлі Мамырбек пен ауыр салмақтағы Әлімхан Сыздықов ерекшеленді.
Сәуірдің 10-ы күні 2023 жылғы Азия чемпионатында грек-рим күресінен басқа салмақ дәрежелері бойынша алдын ала белдесулер өтеді.
>>> Біздің Facebook, Instagram парақшаларымыз бен Telegram каналымызға жазылыңыз! <<<
