Бұл туралы бүгін облыстық Өңірлік коммуникациялар қызметі алаңында өткен баспасөз брифингінде Сырдария ауданы әкімі Ғ.Қазантаев мәлімдеді.«Есепті мерзімде аудан бойынша 393 нәресте дүниеге келді. Халық санында өсім бар. Бұл біз үшін зор қуаныш,-деген аудан әкімі аудан халқына ауысымына 250 адам қабылдайтын аудандық емхана, 9 дәрігерлік амбулатория, 3 фельдшерлік-акушерлік бекет, 1 медициналық бекет және аудандық туберкулезге қарсы күрес диспансері қызмет көрсетіп жатқанын айтты.
Сондай-ақ, мемлекеттік-жекешелік әріптестік аясында салынған Ақжарма ауылында дәрігерлік-амбулатория тамыз айының соңына дейін пайдалануға берілетінін жеткізді.
Жалпы, ауданның денсаулық сақтау саласында барлығы 728 қызметкер, оның ішінде 76 дәрігер, 369 орта буынды қызметкерлер қызмет атқаруда.
