Kaspi.kz сервистері жұмыс істеп тұр

193

0

Kaspi.kz қосымшасындағы ақау жойылды, – деп хабарлайды Tengrinews.kz тілшісі банктің баспасөз қызметіне сілтеме жасап.

«Kaspi.kz қосымшасындағы барлық қызмет жұмыс істеп тұр. Клиенттердің барлық қаражаты орнында және шотта дұрыс көрсетіліп тұр. Біз қолайсыздықтар үшін шын жүректен кешірім сұраймыз және біздің сүйікті клиенттерімізге «Қолдау білдіргені үшін рақмет!» айтамыз.

29 қазан 4 қараша аралығында Kaspi QR арқылы жасалған Kaspi Gold және Kaspi Red-тің әрбір төлемі үшін 5 пайыз бонус сыйлаймыз.

Қара ниетті, жаман адамдар таратқан фейк хабарламаларға назар аудармаңыз. Біз әрқашан сүйікті клиенттерімізге кез-келген оқиға туралы әлеуметтік желідегі ресми парақшаларымызда шынайы түрде хабарлаймыз», – деді банктегілер.

Мұның алдында қосымшаның жұмысында техникалық ақаулар боолғаны хабарланған еді. Kaspi.kz өкілдері қазақстандықтардың шағымына жауап бере отырып, ақау тез арада жойылады деп уәде берген еді.

Кейінірек Kaspi.kz шоттағы «ақшаның жоғалуына» қатысты пікір білдірген болатын. Банк клиенттердің ақшасы шоттарында сақталатынын айтқан еді.

Пікірлер жоқ. Бірінші болыңыз!

Пікір жазыңыз