Жаз келісімен балалар демалысын ұйымдастыру мәселесінің маңызы арта түседі. Өйткені оқушылар бұл кезді асыға күтеді.
Шіркейлі ауылдық өнер мектебі «Жаз қызығы – көңілді демалыс» тақырыбында іс-шара өткізді. Өнер мектебі шығармашылыққа үйретумен қатар, тағылымды тәрбиелік шаралар ұйымдастырып келеді.
Жазғы демалыста балалардың ой-өрісін дамыту, қабілетін арттыру бағытындағы кештердің, сайыстардың орны ерекше. Әр оқушының бойына рухани азық береді.
Тәрбие мазмұны ұйымдастырушының шеберлігімен ұштасқанда баланың жан-дүниесін жаңартуға жетекші болады. Өнер мектебінің ұстаздары жазғы демалыстағы іс-шаралар жоспарына сәйкес осындай бастамаларды жалғастыра бермек.
«СБ» ақпарат
