Жазғы демалыс қарсаңында Ашық есік күнін өткізді

154

0

Жазғы демалыс қарсаңында Оңтүстік өңірлік аэроұтқыр жедел құтқару жасағында облыстың су қоймаларында балалармен болатын жазатайым оқиғалардың алдын алу мақсатында Ашық есік күні ұйымдастырылды. Бұл шараға «Абылай хан» және «Жас өркен» колледждерінің студенттері, сондай-ақ, Қызылорда қаласының жалпы білім беру мектептерінің оқушылары қатысты.

Іс-шараның басында ОӨАЖҚЖ басшысы Ембергенов Бақыт Сағынбекұлы қонақтарды жасақтың құрылу тарихымен таныстырып, құтқарушылардың ерліктері туралы әңгімелеп берді.

Құтқарушылар құтқару техникасының көрмесін ұйымдастырып, құтқару техникасы мен жабдықтардың пайдалануын көрсетті. Құтқарушылар суда апат болған жағдайда зардап шегушіге құтқару шеңбері мен Александр ұшын қалай жеткізу керек екенін көрсетті. Балалар сүңгуір киімдерін киіп көріп, қуанышты болды.

Судағы мінез-құлық ережелері, суға қауіп төнген адамдарға алғашқы көмек көрсету және «Судағы қауіпсіздік ережелерін сақтау туралы» парақшалар таратылып, түсіндірілді.

Экскурсия барысында балалар мен студенттер көптеген қызықты сұрақтар қойды. Осы іс-шара барысында қонақтардың жүзінде қуаныш сезімдері байқалды, қонақтар өздері айтқандай, бұл олар үшін есте қалар күн болды.

Сонымен қатар, балаларға іс жүзінде құтқару әдістерін қалай қолдану керектігін көрсетті. Осындай іс-шараларды өткізудің арқасында жас ұрпақтардың су объектілеріндегі жазатайым оқиғалар қаупін азайтуға мүмкіндік беретін қауіпсіз мінез-құлық дағдыларын дамытады.

Оңтүстік өңірлік аэроұтқыр жедел құтқару жасағы