Токиоға қуатты тайфун келе жатыр, Олимпиада ойындарының бір бөлігі кейінге қалдырылды

508

0

Жазғы Олимпиада ойындарының астанасы – Токиоға қуатты тайфун келе жатыр, соның салдарынан есу жарысы кейінге қалдырылды, деп хабарлайды ҚазАқпарат Kyodo-ға сілтеме жасап.

«Непартак» тайфуны сейсенбіде (27 шілде) Тынық мұхитынан Жапонияның шығысы мен солтүстік-шығысына жақындайды. Олимпиада ойындары өтетін Токионы қоса алғанда, елдің бірқатар аймақтарында тайфун соғуы мүмкін, деп хабарлады жексенбіде Жапонияның ұлттық метеорологиялық агенттігі.

Агенттіктің мәліметінше, жексенбі күні түстен кейін Непартак тайфуны солтүстікке сағатына 15 шақырым жылдамдықпен, Токиодан оңтүстік-шығысқа қарай 1 800 км жылдамдықпен қозғалады. Тайфунның ортасындағы атмосфералық қысым 994 гектопаскалды құрады, ал желдің жылдамдығы сағатына 108 шақырымға жетті. Тайфун Жапония астанасына биіктігі үш қабатты үйдей толқындар мен нөсер жауын әкелуі мүмкін.

Тайфун салдарынан туындайтын оқыс оқиғаларды болдырмау үшін Олимпиада ойындарындағы академиялық есу кейінге қалдырылды.

Сейсенбіде жел сағатына 126 шақырымға дейін соғуы мүмкін, ал Токионы қоса алғанда, Канто-Кошин аймағында сейсенбі күні таңертең 24 сағат ішінде 150 миллиметрге дейін жаңбыр жауады деп күтілуде.

 


>>> Біздің Facebook, Instagram парақшаларымыз бен Telegram каналымызға жазылыңыз! <<<