1 млн теңге алатын дәрігерлер кімдер: «СК-Фармация» басшысы жауап берді

559

0

Бұған дейін Денсаулық сақтау министрлігінің өкілдері Қазақстанда дәрігерлердің орташа жалақысы 258 708 теңге екенін айтқан еді. Ал бүгін «СК-Фармация» ЖШС басшысы миллион теңге жалақы алатын дәрігерлер туралы айтып берді, деп хабарлайды Egemen.kz

Ерхат Есқалиев бұл мәселе оның құзыретінде емес екенін мәлімдеді, бірақ таяуда БАҚ-та дәрігерлердің жалақысы барлық шегерімді ескере отырып, бір миллион теңгеге жететіні айтылған деді.

Алайда журналистер одан тағы да «қазақстандық дәрігерлердің жалақысы миллион теңге ме?» деп сұрады.

«Бұл мәселе менің құзыретімде емес екенін тағы да айтқым келеді. Бірақ үстеме ақыны қоса есептегенде, осындай жалақы алатын дәрігерлер бар. Бұл туралы БАҚ-та айтылды», деді «СК-Фармация» басшысы.

Айта кетейік, «СК-Фармация» басшысы Ерхат Есқалиевтің өзі – 1 миллион 300 мың теңге жалақы алады. Ал компания басшысының орынбасары 900 мың теңге алады.

 


>>> Біздің Facebook, Instagram парақшаларымыз бен Telegram каналымызға жазылыңыз! <<<