«Облыстық ішкі саясат басқармасы» ММ арқылы төмендегі мемлекеттік қызметтер көрсетілетіндігін хабарлаймыз.
1. Миссионерлік қызметті жүзеге асыратын тұлғаларды тіркеуді және қайта тіркеуді жүргізу;
2. Діни іс-шараларды өткізуге арналған үй-жайларды ғибадат үйлерінен тыс жерлерде орналастыруға келісу туралы шешім беру;
3. Діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайлардың орналастырылуын бекіту туралы шешім беру.
Сондай-ақ, облыстық ішкі саясат басқармасының келісімімен облыстық құрылыс, сәулет және қала құрылысы басқармасы арқылы көрсетілетін қызмет түрлері:
1. Ғибадат үйлерін салу және олардың орналасатын жерін айқындау туралы шешім беру;
2. Үйлерді (ғимараттарды) ғибадат үйлері етіп қайта бейімдеу (функционалдық мақсатын өзгерту) туралы шешім беру.
Биыл «Діни әдебиетті және діни мазмұндағы өзге де ақпараттық материалдарды, діни мақсаттағы заттарды тарату үшін арнайы тұрақты үй-жайлардың орналастырылуын бекіту туралы шешім беру» мемлекеттік көрсетілетін қызметі бойынша «е-лицензия» электронды порталы арқылы 2 өтініш түскен болатын. Аталған қызметтің қағидасына сәйкес құжаттар қаралып, қызмет алушыларға мемлекеттік қызмет көрсету қағидасына сәйкес толық ұсынылмауына байланысты өтініш қанағаттандырылмады.
«Миссионерлік қызметті жүзеге асыратын адамдарды тіркеуді және қайта тіркеуді жүргізу» қызметі бойынша үш өтініш тіркеліп екі қызмет алушыға мемлекеттік қызмет көрсету куәлігі табысталды, ал үшінші қызмет алушының сенімхатының болмауына, құжаттар топтамасының жеткіліксіздігіне байланысты өтініші орындалмады.
Биылдан бастап Ақпарат және қоғамдық даму министрлігінің Дін істері комитеті бекіткен қағидаларға сәйкес «е-лицензия» электронды порталы арқылы қызмет көрсетілуде. Сондай-ақ, мемлекеттік қызметтерді портал арқылы көрсету үлесін арттыру бағытында он айда 9 түсіндірме жұмысы ұйымдастырылды. Ақпараттандыру мақсатында арнайы әзірленген материалдар таратылды. Алдағы уақытта тиісті жұмыстар жалғасын табады. Осы мерзімде қызмет алушылардан басқарма атына арыз-шағым түскен жоқ. Сонымен қатар, дін саласындағы мемлекеттік қызметтер туралы толық ақпаратты облыстық ішкі саясат басқармасының ресми веб-порталынан немесе 605326 телефонына хабарласып алатыныңызды назарыңызға саламыз.
>>> Біздің Facebook, Instagram парақшаларымыз бен Telegram каналымызға жазылыңыз! <<<