Әкем Тыныштықбай Шабанов 1942 жылы тамыз айында Кеңес армиясы қатарына шақырылған Ашхабад қаласындағы №7 оқу-жаттығу полкінде курсант, 1944-1945 жылдары Орта Азия әскери округінде кіші лейтенант, 1945-1946 жылдары 280-Сохачевский полкінің пулемет взводында командир болып Германияның Бранденбург қаласында соғысты аяқтаған.
Соғыстан кейін Қызылорда облыстық ішкі істер басқармасының әртүрлі саласында еңбек етіп, тергеу бөлімінде басшылық қызмет атқарды.
1958-1963 жылдары Ташкенттегі Ленин атындағы мемлекеттік университеттің сырттай бөлімінде «Заң» факультетінде оқыған. Қызылорда облыстық прокуратурасына қызметке қабылданып, прокурор-криминалист қызметіне тағайындалған. Шиелі аудандық прокуратурасында тергеуші, облыстық прокуратурада тергеу бөлімінде жұмыс жасаған.
Анам Зейнегүл Құрманқызы екеуі 9 перзент тәрбиелеп өсірді.
Әкем «Әскери еңбегі үшін», «1941-1945 жылдардағы Ұлы Отан соғысында Германияны жеңгені үшін», «Ерен еңбегі үшін», II дәрежелі «Ішкі істер министрлігіндегі мінсіз және ұзақ мерзімді қызметі үшін», «Қоғамдық тәртіпті қорғаудағы үздік қызметі үшін» медальдарымен марапатталған.
Күлжахан БАЙХАДАМОВА
