Биыл еліміздегі үлкен саяси күшке ие «Нұр Отан» партиясының құрылғанына 20 жыл толады. Осы уақытқа дейін «Нұр Отан» елдің болашағына бағытталған көптеген бағдарламаларды жүзеге асырды. Бұл маңызды құжаттардың барлығы партияның съездерінде қабылданатыны баршаға мәлім.
Мен соңғы он жылда партияның кезекті және кезектен тыс өткен съездеріне Шиелі ауданынан делегат ретінде қатысып, маңызды бағдарламалардың қабылдануының куәсі болдым. Биыл 27 ақпанда өтетін партияның кезекті XVIII съезіне де делегат ретінде сайландым, бұл – мен үшін үлкен мәртебе.
Биылғы съезде партияның 2030 жылға дейінгі жаңа бағдарламасын талқылау, партия Жарғысына өзгертулер мен толықтырулар енгізу және Саяси кеңес құрамын жаңарту жоспарлануда. Аталған съездің партиямыздың 20 жылдығы аясындағы басты іс-шара боларына және алдағы жылдардағы мақсат-міндеттерді анықтап, саяси ұйымның одан әрі жаңғыруына тың серпін береді деген сенімдемін.
Патима МАХАНБЕТ,
«Нұр Отан» партиясы Шиелі аудандық филиалы төрағасының
бірінші орынбасары.
>>> Біздің Facebook, Instagram парақшаларымыз бен Telegram каналымызға жазылыңыз! <<<
