«ДОСТАР АЛАҢЫ» ЕРІКТІЛЕР КЛУБЫНА – 1 ЖЫЛ

104

0

Қазалы ауданының Әйтеке би кентіндегі Роза Бағланова атындағы мәдениет орталығында «Жастар Ресурстық орталығы» КММ Қазалы аудандық бөлімінің ұйымдастыруымен «Достар алаңы» еріктілер клубының «Бір үйдің баласындай» атты бір жылдық шығармашылық концерті болып өтті. 

Қазалы ауданы бойынша мемлекеттік жастар саясаты өңірлік бағдарламасын жүзеге асыру, ұлттық құндылықтарымызды ұлықтау, жастардың бос уақытын тиімді ұйымдастыру, мемлекеттік бағдарламаларды іске асыру мақсатында өткен шараға аудан тұрғындары мен жастары қатысты. Салтанатты шара барысында Қазалы ауданының ішкі саясат бөлімінің «Жастар ресурстық орталығы» КММ-нің директоры, әрдайым аудан жастарының қолдаушысы болып жүрген Олжас Ахметов және «Достар алаңы» еріктілер клубының негізін қалаушы, «Жас Отан» жастар қанаты IV сьесзінің делегаты Әбен Рахметолла «Достар алаңы» еріктілер клубының мүшелеріне сәттілік тілеп, еріктілер куәлігі табыстады. Қазіргі уақытта «Достар алаңы» еріктілер клубында 40 жас мүшелігінде.

Шара соңы ауданымыздың өнерлі жастарының концерттік бағдарламасымен жалғасын тапты.