Қызылорда облысының полиция қызметкерлері жедел-профилактикалық іс-шараларын жүргізу барысында Қармақшы ауданының Тұрмағанбет және Алдашбай ахун ауылдарын байланыстаратын Ақжар-Көмекбаев тас жолының бойында күдік тудырған жеңіл автокөлікті тоқтатқан еді.
Тексеру жүргізу барысында оның жүксалғышынан 2 дана полиэтилен пакетке оралған есірткі заты алынды.
Сараптама қорытындысы бойынша табылған заттың 1 келіге жуық кептірілген марихуана екендігі анықталды.
Күдікті аудандық полиция бөлімінің уақытша ұстау абақтысында. Қылмыстық кодекстің 296-бабының 3-бөлігімен сотқа дейінгі тергеп-тексеру амалдары жүргізілуде.
Қызылорда облысы полиция департаментінің баспасөз қызметі
>>> Біздің Facebook, Instagram парақшаларымыз бен Telegram каналымызға жазылыңыз! <<<
