Сенатор кітапхана қызметкерлерінің жалақысын көтергенді жөн санайды

92

0

Сенатор Нұртөре Жүсіп еліміздің кітапханалары мен мұрағаттарындағы бірқатар мәселелерді атап өтіп, осы саладағы қызметкерлердің еңбекақысын көтеруді сұрады. ол Сенат отырысында еліміздің Премьер-Министріне осындай депутаттық сауал жолдады, деп хабарлайды Egemen.kz.

«2020 жылғы 1 қаңтардан республикалық мәдениет ұйымдары қызметкерлерінің жалақысы өсті. Бұл басқарушы және негізгі персоналдарға ғана қатысты. Ал қосалқы персонал, инженерлер, программистер мен кітапханалардың функционалдық қызметін қамтамасыз ететін мамандар жалақысы көтерілмей қалған. Аймақтардағы кітапханашылар айлығы бұдан да төмен», – деді Нұртөре Жүсіп.

Сенатор кітапхана қызметкерлерінің жалақысын көтеріп қана қоймай, еліміздің архив материалдарын сақтау үшін нысандар салу керек деп санайды.

Пікірлер жоқ. Бірінші болыңыз!

Пікір жазыңыз