Бүгін Қызылорда қаласында Батыс Қытай – Батыс Еуропа автодәлізінің бойынан жаңа жанар-жағар май құю кешені ашылды.«Petro Retail» ЖШС-нің «Qazaq oil» кешені қала іргесіндегі Бірқазан елді-мекенінің тұсынан салынған. Жаңа бекеттің ашылуына қала әкімінің міндетін атқарушы Бектас Нұридинов қатысып, кешен жұмысына сәттілік тіледі.
Жаңа кешенде келушілер үшін бөлшек сауда пункті мен тамақтану орны қарастырылған. Бір тәулікте 700 көлікке дейін қызмет көрсетуге қауқарлы бекетте 23 адам жұмыспен қамтылған. Кешен «Petro Retail» ЖШС-нің өз қаражатынан бой көтерген. «Qazaq oil» Қазақстандағы ең үлкен жанармай құю желісі деген «Petro Retail» ЖШС-нің өкілі Айдар Балғожаев республика бойынша 400-ге жуық «Qazaq oil» бекеті халыққа қызмет етсе, ағымдағы жылы Қызылорда облысының Арал, Қармақшы аудандарында және Қызылорда қаласында 4 нысан өз жұмысын бастағандығын жеткізді. Сонымен қатар, жақын күндері 98 маркалы бензин отынын қала нарығында алғаш болып сатылымға шағырауды жоспарлап отырғандарын да атап өтті.
Айта кетейік, «ҚазАвтоЖол» АҚ өңірлік филиалымен жергілікті атқарушы билік арасында «Батыс Еуропа-Батыс Қытай» халықаралық көлік дәлізінің бойында 41 жол бойы сервистік нысан салынатын жер белгіленген. Оның ішінде 10 жоба қала үлесінде болса, 6 -ауы іске қосылды. Бүгінгі өз жұмысын бастаған «Qazaq oil» кешені жетінші жоба болып отыр.
>>> Біздің Facebook, Instagram парақшаларымыз бен Telegram каналымызға жазылыңыз! <<<
