Келіннің тапқырлығы

3004

0

Арқа жақтан оңтүстікке келе жатқан бір топ жолаушы екінді уакытында бір ауылға жақындап, құдқтан су алып жатқан жас келінге:

– Мынау қай ауыл, біздер алыстан келе жатқан жолаушы едік, «екіндіде ел тастама» деген қонып, ат шалдырып, тынығып жүрейік деп едік, – дейді.

– Бұл ауыл батыр адамнын ауылы, – деп жауап қайтарады.

– Батыр атаңыз кім болады? Біз жөн біліп барайық, айтыңызшы….

Келін атасының атын атай алмайтынын айтып, әдеп сақтайды. Алайда жолаушылар: «Бұл жерде ешкім жоқ қой, атаңыздың атын айта беріңіз», – деп қоймайды.

 Сонда иінағашқа ілінген шелек толы суды иығына іліп жатып, келін атасын жолаушыларға былай таныстырыпты:

– Сұрайсыздар қоймай,

Атамның аты дарлай.

Өзге адамда жоқтай,

Тек атамда бардай !

Сөйтсе бұл ауыл «Айман – Шолпан» қиссасынан барша қазаққа белгілі Көтібар батырдың ауылы екен.

                                                                                              Жинақтаған:

                                                                                              Бақытжан Түменбай

                                                                                              Тарих пәні мұғалімі.

 


>>> Біздің Facebook, Instagram парақшаларымыз бен Telegram каналымызға жазылыңыз! <<<