«Antikor Ortalygy» сервистік орталығында кездесу өтті

445

0

Қазақстан Республикасының Сыбайлас жемқорлыққа қарсы іс-қимыл агенттігі төрағасының бірінші орынбасары Бектенов Олжас Абайұлы департамент жанынан құрылған жобалық кеңселердің жетекшілерімен кездесті.

«Antikor Ortalygy» сервистік орталығында өткен кездесуде Олжас Бектенов агенттіктің Қызылорда облысы бойынша департаментінің жаңа басшысын таныстырды. Агенттік төрағасының бұйрығына сәйкес бұл лауазымға генерал-майор Қанат Қожахметов тағайындалды. Өз кезегінде жаңа басшы алдағы уақытта қоғам белсенділерін Мемлекет басшысымен қойылған міндеттерді бірлесіп атқаруға шақырды.

Кездесу барысында аймақтағы қоғам белсенділерімен, жастармен және мемлекеттік қызметкерлермен бірлесе отырып жүргізіліп жатқан жұмыстарды талқылап, қазіргі таңда қоғамның белсенді қатысуынсыз жемқорлықты азайту мүмкін емес екенін аталып өтті.

«Ашық диалог» түріндегі кездесу нысанын ескере отырып, қатысушылар жемқорлыққа қарсы саясатты іске асыру мәселелері бойынша, оның ішінде қоғамды саяси жаңғырту және демократияландыру тұрғысынан өз пікірлерін білдірді.

ОлжасБектенов– «Сыбайлас жемқорлыққа қарсы саясаттың тиімді алдын алу, сындарлы әріптестік және белсенді қоғам сынды басымдықтар қазіргі заман талаптарынан туындап отыр. Қазіргі таңда жемқорлық құқық бұзушылықтардың алдын алу негізге алынғанын атап өтемін. Бұл ретте азаматтық қоғам тарапынан ауқымды қолдаудың маңызы зор. Сыбайлас жемқорлыққа қарсы жұмыста ыңғайсыз серіктестер мен болмашы мәселелер болмайды. Осыған орай, біз үшін өзекті мәселе жайлы ашық айтатын, сындарлы шешімдер ұсынуға дайын және бастаған ісін аяқсыз қалдырмайтын кез-келген азамат маңызды.», – деп кездесуді түйіндеді.

 


>>> Біздің Facebook, Instagram парақшаларымыз бен Telegram каналымызға жазылыңыз! <<<