Жүрек жұтқан жігіт

Жүрек жұтқан жігіт

Оқыс оқиға туралы кездейсоқ естідім. Бір жарым жастағы сәби кәріз құдығына түсіп кеткен. Оны облыстық мамандандырылған күзет басқармасының полиция сержанты Дәуренбек Жанайбеков құтқарып қалған. Ел аузында бұл туралы әңгіме желдей есті. Кәсіби міндет аясында солай қарай асықтым. 
ТАҒЫЛЫМ 20 шілде 2019 г. 72 0
Кісілік келбеті

Кісілік келбеті

«Екі түрлі нәрсе ғой сыр мен сымбат»  деп Абай атамыз айтпақшы, сырт қарағанда ол сияқты ашаң денелі, орта бойлы адамдар аз емес. Кездесулер мен сырласулар, сырласулардан, көп ретте бірге жиі араласулардан кейін кімнің-кім екенін, адалдығын, азаматтығын, өткір сөздің шебері, мінезінің салмағын, ақкөңіл-ақжарқындығын, өзгеге өз ойын өжектемей тыңдататын парасатын, өкпелеткендерге де өті жарыла өшікпейтін болмысын тани түседі екенсің. Негізі жаратылысынан мейірімі мол адамдарды табиғи түйсік арқылы көбірек үйірсектейді. Сондай азаматтың бірі Тұрғанов Әбдіраман аға болса керек.  Әбекеңмен бір ауылда, бір мектепте оқып, бірге өстік. Балалық шағымызда сол «Ақтайлақ», «Өндіріс», «Каганович», «Көктөбе», «Ақсай» елдімекендері мен Ленин кеңшарында  өтті. 
ТАҒЫЛЫМ 20 шілде 2019 г. 27 0
Перзент сыры

Перзент сыры

Күн тас төбеге көтерілгенде оның сәулесі зәулім сарайдың терезесінен тұтастай түсіп жатты. Қолына қалам ұстаған жазушының ойы туған жердің төріне сапарлап кеткен. Тартоғай төңірегіндегі көк майса... Жалаң аяқ, жалаң бас асыр салған, шіркін, балалық. Көне мектеп ғимаратында кластастарымен бірге талай бақытты шақты өткерген еді. Енді, міне, алпысыншы жаздың табалдырығынан аттаған шақта өткенге көз салып, қалам тербеп отыр. Кейінгіге көз тастап, «не істедім?», «не бітірдім?» деп тағы бір онжылдықтың есебін өзіне тапсыратындай...
ТАҒЫЛЫМ 20 шілде 2019 г. 45 0
Жұмекең салған жол

Жұмекең салған жол

Тоқсан жылдық тарихы бар облыстық басылым – Сыр елінің сырлы шежіресіне айналды.
ТАҒЫЛЫМ 12 шілде 2019 г. 147 0

Аралға араша болған азамат

Ат арқасына мініп, елге қызмет еткелі бері өмір жолымда осындай талай асыл ағалармен сырлас та сыйлас, тағдырлас, дәмдес те болдық. Олардың ақылына жүгіндік, іскерлік тәжірибесіне ден қойдық. Өзім білем демей, жақсыларға жанасып жүрдік. Одан кем болғанымыз жоқ. Сондай жаны жайсаң ағаларымның бірі Нариман Қыпшақбаев болатын. Бізді таныстырған да, табыстырған да өмірдің өзегіне айналған өңіріміздегі су шаруашылығы мен Арал теңізінің тағдыры еді. Қай қызметтегі жұмыс бағыты тіршілік нәрі – суға, тартылған теңізге тірелетін де алдымнан нардай болып Нариман ағамыз шығатын. 
ТАҒЫЛЫМ 10 шілде 2019 г. 177 0

Жарты ғасырдан кейінгі жүздесу

Осыдан жарты ғасыр бұрын, 1969 жылы елу төрт түлек Арал ауданындағы З.Шүкіров атындағы №20 Бөген орта мектебін тәмамдап, үлкен өмірге қанат қаққан болатын. Содан бері олардың көбісі кең-байтақ еліміздің тұс-тұсында бақытты ғұмыр кешіп, баянды еңбек етсе, жиырма жетісі бақилық сапарға аттаныпты.
ТАҒЫЛЫМ 06 шілде 2019 г. 232 0

Ол әрқашан өлеңге құштар еді

Әдебиетке өз үнімен келіп, жырсүйер қауымды жалт қаратқан Зордан Салықбаевтың да өмірден өткеніне  30 жыл болыпты-ау. Зордан өзінің ақындық жолға қалай келгені жайлы: ... «Баяғыда бір қазақ: «Өлеңнің бес-алты ауыз арқасында, қыздардың болдым таныс бәріменен» деген екен. Сол айтпақшы, бес-алты ауыз өлеңнің арқасында мен де әдебиеттегі адамдармен таныс болдым-ау. Олар ұстаздарым Ә.Қоңыратбаев, А.Тұрбеков, Г.Смағұлова, Р.Сәрсенбаев, О.Байжолов және ақын-жазушылар А.Тоқмағамбетов, З.Шүкіров, Д.Тасекеев, Н.Сералиев, Қ.Сүйенішов, Қ.Дәрібаев, т.б. Адамды осы орта өсіреді ғой. Егер мен оқымай ауылда қалып қойғанда жазбас па едім, кім біледі? Ондайлар аз ба?» деп жазған екен 1965 жылдың күзінде.
ТАҒЫЛЫМ 06 шілде 2019 г. 513 0

Жиғаны жан дүниесінің тереңінде

Сыр еліне танымал есім, ҚР Ұлттық банктің еңбек сіңірген қызметкері Ниязбек Маханжанұлы жайында сөз сөйлер болсақ, әрине, әңгімені өзі елу жылға жуық қызмет еткен банк саласынан бастаған абзал. Біз бүгін бұл жүйеден шығайық. Қазір ақсақал атанып, алқалы жиында орны төрден тиген ағаның алдымен ішкі әлеміне зер салып көрейік.
ТАҒЫЛЫМ 02 шілде 2019 г. 121 0
Жақсылықтың   жақсылығы

Жақсылықтың жақсылығы

 Жақсылық Рахматулла есімін Сыр елінің руханият шежіресінен ғана емес, күллі қазақ әдебиеті игі-жақсыларының қатарынан табуға болады. Облыстың ата басылымының 90 жылдығына орай дайындалып отырған мақала болған соң «Сыр бойы» газеті редакциясын 13 жылға жуық басқарған ардақты ағамыз, ұлағатты ұстазымыздың өмірдерегіне нақтырақ тоқтала кетейін.
ТАҒЫЛЫМ 29 маусым 2019 г. 230 0
Ақиық ақын,   қарымды қаламгер

Ақиық ақын, қарымды қаламгер

  «Жасөспірім шағымыздан шығармашылыққа әуес болдық. Әсіресе, өлең, жырға өзегіміз бұрып тұратын. Албырт кезіміз, аңғалдығымыз да бар. Жан дүниемізді толқытып, сезімімізді селт еткізген жайттар болса, қалт жібермей қағып алып, өлеңмен өрнектеуге тырысатынбыз. Әйтсе де  жазғанымызды жалаулатып баспа бетіне жариялауға асықпадық. Өйткені ақындық дейтін асқақ өнердің артындағы жауапкершілігін сезініп, жасқанатынбыз».
ТАҒЫЛЫМ 29 маусым 2019 г. 124 0