Кеше коронавирус індетіне қарсы егу жұмыстарының екінші кезеңі үшін Қызылорда қаласына тағы 1000 доза вакцина келді. Бұл туралы өңірлік коммуникациялар қызметінде өткен брифингте облыстық денсаулық сақтау басқармасының басшысы Сәбит Пазылов хабарлады.
– 1 ақпан күні «COVID-19» инфекциясына қарсы вакцинаның алғашқы 1000 дозасы келіп, екпе жасау басталған болатын. 1-17 ақпан аралығында екпе салдырған адамдардың 939-ы медицина қызметкері болса, 61-і ерікті түрде келген. Олар бұған дейін дәрігерлер бақылауында болды. Денсаулық жағдайларына шағымдарының болмауына байланысты араға 21 күн салып екінші дозасын салдыруды бастады, – деді ол.
Жеткізілген «Спутник V» ресейлік вакцинасының екінші 1000 дозасы да қалалық №1-ші, №3-ші және №6-шы емханаларда жүргізілетін болады.
– Өзім ерікті түрде 1 ақпан күні алғашқылардың бірі болып вирусқа қарсы екпе ектірдім. Кері әсерін байқамадым. Сол себепті бүгін екпені екінші қайтара салдырып отырмын, – деді басқарма басшысы».
«СБ» ақпарат
>>> Біздің Facebook, Instagram парақшаларымыз бен Telegram каналымызға жазылыңыз! <<<
